top of page

Mótaröðin

ÞÍN LEIÐ - ÞÍN GANGA

göngurnar anchor

Súlur Vertical

17.JANÚAR - AKUREYRI

Súlur Vertical gangan hefst og endar á Kjarnatúni ofan við bílastæðin við Kjarnakot í Kjarnaskógi. Það er einstök stemning að skíða inn á milli trjánna í Kjarnaskógi og er það hvergi annars staðar á landinu sem hægt er að upplifa slíkt. Gangan er framhald af Hermannsgöngunni sem var kennd við skíðafrömuðinn Hermann Sigtryggsson. Þeir sem taka þátt í Mjöll og Bylur innan Súlur Vertical fá aðgöngumiða í Skógarböðin.

Strandagangan

7.MARS - HÓLMAVÍK

Strandagangan fer fram í Selárdal á Steingrímsfirði í mars á hverju ári. Strandagangan var haldin fyrst árið 1995 og státar af auðveldum og skemmtilegum brautum auk eins frægasta kökuhlaðborðs norðan alpafjalla.

Buch Orkugangan.jpg

Buch Orkugangan (1)_edited.png

Buch Orkugangan

4.APRÍL - HÚSAVÍK

Buch Orkugangan er yfirleitt haldin um páska og fá þeir sem taka þátt 50% afslátt í GeoSea sjóböðunum til að slaka á eftir gönguna. Allir fá líka frítt í sund eftir gönguna.
Það er skemmtileg upplifun að taka þátt í þessari göngu norðan heiða.

Fjarðargangan

14.FEBRÚAR - ÓLAFSFIRÐI

Upplifunin er frábær með brautarstæði í miðjum bænum þar sem bæjarbúar hvetja keppendur frá heimilum sínum hver á sinn hátt. Ólafsfirðingar eru góðir heim að sækja og í göngunni eru frábær verðlaun, happdrætti, kjötsúpa, grænmetissúpa og úrdráttarverðlaun. Fjarðargangan fer fram í byrjun febrúar.

Bláfjallagangan

19.-21. MARS - REYKJAVÍK

Bláfjallagangan fer fram í Bláfjöllum við skála Ullunga. Gengið er um hraunlög og upp á Heiðina háu og er einstakt útsýni suður til Selfoss meðal annars. Ýmsar vegalengdir eru í boði fyrir alla og er þetta sannkölluð fjölskyldu”keppni” þar sem allir geta notið sín í fallegu umhverfi Bláfjalla. Veglegt kökuhlaðborð er í bænum að lokinni keppni þar sem eru líka vegleg útdráttarverðlaun.

Fossavatnsgangan

16.-18.APRÍL - ÍSAFIRÐI

Fossavantsgangan er drottning allra ganga í Íslandsgönguröðinni. Frábær upplifun þar sem um 600 - 1000 þátttakendur ganga um ægifagurt svæðið í botni Skutulsfjarðar. Gangan státar svo af stærsta kökuhlaðborði norðan Alpafjalla auk þess er líka fiskihlaðborð um kvöldið sem endar með dansiballi langt fram á nótt. Ganga sem allir ættu alla vega einu sinni á ævinni að taka þátt í og jafnvel oftar.

Fjallagangan

2.MAÍ - STAFDAL

Fjallagangan fer fram í fjallgarðinum við Fjarðarheiði en um margar skemmtilegar gönguleiðir er að velja á svæðinu og verður seglum hagað eftir snjóalögum. Aðal markmiðið skipuleggjenda göngunnar er að fólk hafi gaman og sigri sjálfan sig. Boðið verður upp á heita súpu og hreindýrapate í markinu.

bottom of page