Upplýsingar

Anchor 1

Anchor 2

Tímataka, úrslit og reglur

Keppt er með flögu og gildir flögutíminn. Úrslit verða birt á timataka.net og koma þau sjálfkrafa um leið og fólk kemur í mark.

Upplýsingar um reglur og stigakeppnina sem og aldursflokka má sjá í reglugerð um Íslandsgönguna hér.

Skráningareyðublað fyrir liðakeppnina sem sendist á ski@ski.is er hér.

Verðlaun

Veitt verða verðlaun fyrir þrjú efstu sætin í flokkum karla og kvenna. Allir fá viðurkenningu fyrir þátttöku í hverri göngu. Aldursflokkarnir eru 17 - 34 ára, 35 - 49 ára, 50 - 64 ára, 65 ára og eldri. Sérstök verðlaun skulu veitt þeim sem taka þátt í sex göngum Íslandsgöngunnar og hlýtur sá aðili Gull viðurkenningu. Sá sem hefur tekið þátt í fimm göngum fær Silfur viðurkenningu og sá sem tekur þátt í fjórum fær Brons viðurkenningu. Sjá nánar hér í 5.grein um reglugerð Íslandsgöngunnar.

Styrktaraðilar

Styrktaraðila Íslandsgöngunnar er hægt að sjá á heimasíðu hverrar göngu fyrir sig. Styrktaraðilar SKÍ eru 66 Norður, Bílaleiga Akureyrar og Everest.

Veitingar

Í markinu í öllum göngum og í sumum þeirra út í braut eru léttar veitingar. Flestar göngurnar eru svo með veglegri veitingar síðar um daginn á keppnisdegi. Yfirleitt svigna borðin undan kræsingunum sem helstu kaffihús og veitingastaðir væru stolt af. Þátttakendur eru sjálfir mikið spenntir fyrir kökuhlaðborðunum og nota það gjarnan sem góða afsökun til að endurhlaða orkuna eftir skemmtilega og stundum krefjandi ferð um fjöll og firnindi.